АБВ на Македонското Стопанство

Бизнис каталог за Република Македонија во печатено издание и електронска форма во вид на онлајн пребарувач преку www.abv.mk

За печатеното издание

Издавачката куќа "ИДЦ-93" е формирана 1993год. со цел да подготвува и издава деловен телефонски именик за Република Македонија.

Намерата на издавачот беше да се соберат податоци за деловните субјекти во Република Македонија и на едно место да може да се претстават сите чинители на нашето стопанство, кое во тие години минуваше низ почетоците на транзициониот период, кој налагаше формирање на мали и средни компании, расчленување и приватизација на поголемите фирми, а со тоа и чести промени на сопственичката структура и нивните контакт податоци.

Постоечката потреба од информации и деловни контакти, направи именикот АБВ да биде широко прифатен во стопанството, здравството, школството, сите државни и владини институции кои уште од првото издание се дел од именикот АБВ. За тоа сведочи растот во обем, како и тиражот на АБВ - печатеното издание, кои се зголемуваат од година во година.
Потребите на нашите корисници и нивните сугестии помагаа во подобрување на квалитетот на секое ново издание, како во понудените информации и начинот на презентирање, така и во креирањето на рекламниот простор на именикот.

Првото издание на АБВ излегува во 1994год. и е само по градови. Тој концепт се задржува во наредните изданија се досега, како име на фирма но со комплетен опис на дејноста која активно ја извршува самата фирма. Од третото издание АБВ '96 добива и втор дел како АБВ по дејности и таа форма ја задржува до денес како печатена и електронска верзија, за да денес АБВ се продуцира во печатено издание, CD и on-line веб верзија со континуирано 24h ажурирање на податоците.

АБВ именикот е прва и најстара публикација од овој вид, со најголем број на информации (преку 450.000 информации) и единствена има наједноставно пребарување според име на фирма и град (печатена верзија) во која се сместени повеќе од 40.000 активни правни лица во Република Македонија.

Покрај македонската верзија, АБВ се печати на Англиски и Албански јазик во делот на АБВ по дејности, во рекламно-презентирачкиот дел и во веб пребарувачот.

Издавачката куќа АБВ денес брои 15 вработени и преку 30 соработници од Скопје и поголемиот дел на градови во Република Македонија.
Основач и директор беше дип. маш. инж. Мирче Ѓорески, а моменталниот менаџмент е:

- Виктор Ѓорески (генерален директор)
- Даниела Денковска Ѓорески (маркетинг директор)
- проф. Елизабета Ѓореска (уредник и ко-сопственик)

Градејќи го стилот на деловното информирање и поттикнување на нови контакти на домашните и странските деловни партнери, АБВ и понатаму ќе вложува напор во правец на претставување на Македонското стопанство на домашниот и странскиот пазар.

 

За www.abv.mk

Онлајн едноставен веб пребарувач кој Ви помага да ги пронајдете вистинските информации за сите компании, установи и останати правни лица од Република Македонија.

ABV.mk е веб сајт што освен основните информации за компаниите содржи и работно време, платежните методи кои се прифаќаат, фото и видео галерии генерирани од страна на корисниците и компаниите, директен контакт на компаниите преку веб емаил порака, детално инфо за производите, услугите и брендовите кои ги нудат/застапуваат компаниите.

ABV.mk е местото каде што можете да го кажете вашето мислење/препорака за македонските компании, производи и услуги. Препораките и мислењата за компаниите се генерирани само од страна на корисниците (без можност за бришење од страна на компаниите).

За корисниците, од една страна, овозможува брзо и едноставно да дојдат до потребните информации за секојдневниот живот, додека за Бизнисите обезбедуваме нов сигурен извор за нови продажби и одличен начин за привлекување на нови и постоечки клиенти преку рекламирање и промоција на услугите/производите, со приказ на специјални понуди, зделки, промоции на нашата веб страна и преку нашите социјални медиуми.

 

Како функционира ABV.mk

Корисниците:

- пребаруваат компании, брендови, производи, услуги, настани и зделки – по категорија, град, населба, локација

- создаваат и објавуваат одлична содржина – препораки, рејтинг, слики, видеа, настани

- имаат интеракција со сајтот – преземаат купони, учествуваат во натпревари, гласаат за омилени фотографии, добиваат редовни newsletter-и и новости за омилените компании

- прават листа ("моја книга") со нивните омилени компании/локации

- имаат интеракција со бизнисите и другите корисници – ги следат нивните омилени бизниси како и нивните пријатели и комуницираат директно со нив преку интерен систем за пораки и понуди

 

Бизнисите:

- ги промовираат нивните производи и услуги директно на нивните постоечки и нови корисници, како и пред нивната конкуренција

- им обезбедуваат на корисниците понуди и попусти преку купони и зделки

- комуницираат со корисниците директно на сајтот преку интерен систем за пораки, е-мејл и можност за одговор на корисничките препораки и мислења директно на профилот на компанијата

- можност за самостојно менаџирање на бизнисите

- рекламирање во вид на банери таргетирано по категории, клучни зборови, градови, локации, населби

 

 

Секогаш се трудиме да бидеме тука за Вас со споделување на искуство и знаење за да помогнеме во успехот на Вашиот бизнис.