БРУСНИК

Фирмата Брусник е основана во 1969 год. како мал лимарски дуќан во старата Битолска чаршија со основна дејност производство на олуци и бории за домаќинствата. Во 2002 год. прераснува во современа фабрика за производство на трапезен лим. Фабриката е опремена со најсовремена опрема за производство на профилиран лим, како и додатоци за кровни лимени конструкции кои дополнително го подобруваат квалитетот на кровот. Нашата екипираност овозможува брза и ефикасна монтажа на кровната конструкција. Квалитет - Пластифицираниот лим е составен од основен материјал челик со соодветна дебелина. Горната страна е заштитена со слој од цинк, потоа слој за неутрализација како основа за слој од прајмер и завршно е премачкан со полиестер. Истата постапка е спроведена и за заштита на долната страна. Овие карактеристики овозможуваат лесен пристап кон профилирање на лимот како и долготрајност на производите - отпорни на надворешни влијанија.