ОПШТИНА ЧАШКА

Општина Чашка Географска положба Општина Чашка се наоѓа во централниот дел на Република Северна Македонија со позиција 41º 38’ 51,33’’северна географска ширина и 21º 41’ 32,15’’ источна географска должина според Гринич. Општината зафаќа површина од 825 км² и се вбројува меѓу трите најголеми општини во Република Северна Македонија. Соседни општини со кои се граничи се од исток со Велес и Градско, од север со Зелениково и Студеничани, од запад со Македонски Брод и Долнени и на јужниот дел со Прилеп и Кавадарци. Седиштето на општината се наоѓа на надморска висина од 275 м. Општина Чашка се карактеризира со мошне сложен релјеф, составен од повеќе морфолошки и тектонски целини. Подрачјето претежно е ридско- низинско, освен делот каде се наоѓа масивот на Јакупица, кој е изразито планински. Масивот на Јакупица го сочинуваат петте маѓусебно поврзани планини: Јакупица, Даутица, Караџица, Голешница и Китка. Највисок врв е Солунска Глава со 2539м Географски центар на Република Северна Македонија На висина на надморска висина од 300метри, во месноста на Длабок дол, во близина на селотот Долно Врановци во Општина Чашка е одбележан центарот на Северна Македонија. Географскиот центар се наоѓа во еколошки најчистиот предел на државата, покрај реката Бабуна , недалеку од Мелничка планина и врвот Вртешка. Од селото Стари град е оддалечено само2км , по тешко прооден пат. НАСЕЛЕНИЕ И НАСЕЛЕНИ МЕСТА На територија на општина Чашка се вкупно 42 населени места се и тоа : Чашка, Војница, Раковец, Дреново, Отиштино, Бањица, Бусилци, Голозинци, Горно Врановци, Мелница, Лисиче, Ново Село, Крива Круша, Крајници, Еловец, Витанци, Горно Јаболчиште, Долно Јаболчиште, Извор, Долно Врановци, Оморани, Мартолци, Владиловци, Крнино, Попадија, Поменово, Степанци, Смиловци, Стари Град, Богомила, Капиново, Плевење, Бистрица, Теово, Согле, Ореше, Нежилово, Папрадиште, Црешнево, Ораов дол, Габровник, Мокрени.